|
Турнір па даміно "ЗАБІ КАЗЛА"
|
22 сакавіка 2001 году спаўнілася 10 год Нацыянальнаму алімпійскаму камітэту Беларусі. З гэтай нагоды барысаўская, крупская, жодзінская, навасадзкая, пячанская моладзь правяла ў межах міжнароднага спаборніцтва моладзевы рэгіянальны турнір па даміно "ЗАБІ КАЗЛА" імя прэзыдэнта Нацыянальнага алімпійскага камітэту. Да ўдзелу запрашаліся ўсе аматары гэтай народнай гульні.
Галоўная мэта турніру - прыцягненьне ўвагі беларускай і міжнароднай грамадзкасьці да даміно - віда спорту, які дагэтуль, на жаль, ня ўключаны ў склад алімпійскіх відаў спорту. Сытуацыя ў Рэспубліцы Беларусь склалася так, што залішне шмат увагі надаецца хакею, які так і ня здолеў заангажаваць у свае шэрагі большасьць грамадзянаў Беларусі. У тойсамы час як сапраўды народная гульня даміно дасёньня цалкам пазбаўленая дзяржаўнай падтрымкі й цалкам ігнаруецца кіраўніцтвам НАК. Спадзяемся, што пасьля правядзеньня турніру, даміно, нарэшце, будзе нададзены статус алімпійскага віду спорту.
Пяцёрка лепшых ігракоў турніру атрымала сьвістулькі ў выглядзе гліняных казлоў, вырабленых народнымі майстрамі зь Івянца, а чэмпіён, акрамя таго, сэртыфікат з правам забіць самага галоўнага казла Беларусі.
Турнір адбываўся на працягу гадзіны з 17-00 насупраць галоўных брамаў Гарадзкога парку культуры.
Аргкамітэт па сьвяткаваньні 10-годзьдзя НАК у Барысаве
|
Сайт управляется системой uCoz
|